ვერა გორგოძის დღიურები

 9 ნოემბერს სადამრიგებლო საათის ფარგლებში VII გ კლასში ვისაუბრეთ თემაზე "ემოცია და მისი იდენტიფიცირება" .  ამასთანავე პროექტის- "სოციალურ-ემოციური უნარების განვითარება საბაზო საფეხურზე" - ფარგლებში ამავე კლასში დავნერგე "მე-შეტყობინება" დამრიგებელი სთავაზობს მოსწავლეებს, რომ ჩამოთვალონ მათთვის ნაცნობი ემოციები. ემოციების იდენტიფიცირების  შემდეგ კი იმართება დისკუსია კითხვაზე: რამდენად გვეხმარება ადამიანებთან კომუნიკაციისას ემოციები?  რამდენად მნიშვნელლოვანია ემოციების მართვის უნარი?  

 19 ოქტომბერს VII გ კლასში სადამრიგებლო საათის ფარგლებში ვისაუბრეთ თემაზე: "უნდა გვეშინოდეს თუ არა კრიტიკის?" დამრიგებელი მოსწავლეებს უსვამს შეკითხვას, თუ როგორ ესმით სიტყვის `"კრიტიკა" მნიშვნელობა? სთავაზობს განმარტებით ლექსიკონში მის მოძიებას. შემდეგ კი იმართება დისკუსია შემდეგ კითხვებზე: 1. რა შემთხვევაში მივმართავთ კრიტიკას? რა შემთხვევაში გვაკრიტიკებენ? 2. რატომ არის კრიტიკა უსიამოვნო? 3. საჭიროა თუ არა კრიტიკა? 4. როგორი ფორმით უნდა მოხდეს კრიტიკა? ამ კითხვებზე დისკუსიის შემდეგ კი დამრიგებელი სთავაზობს მოსწავლეებს სიტუაციურ ამოცანას. ბოლოს კი, დამრიგებელი აჯამებს მსჯელობის შედეგებს და კიდევ ერთხელ განმარტავს, რომ ჯანსაღი კრიტიკა ნიშნავს ობიექტურ შეფასებას. შეფასება, უკუკავშირი კი აუცილებელია. კრიტიკისას უნდა შევეხოთ ნამუშევარს, საქციელს და არავითარ შემთხვევაში პროვნებას.

 5 ოქტომბერს VII გ კლასში სადამრიგებლო საათის ფარგლებში ვისაუბრეთ თემაზე "გატაცება თუ დამოკიდებულება?".  დისკუსიისას მოსწავლეებმა იმსჯელეს შემდეგ კითხვებზე: რას მიმართავენ მოსწავლეები და მათი თანატოლები იმისთვის, რომ დაისვენონ, ხასიათზე მოვიდნენ თავისუფალ დროს? რამდენ დროს უთმობენ ასეთი ტიპის საქმიანობას? შეიძლება რომ ასეთი ტიპის გატაცება იქცეს პრობლემად?  ბოლოს კი შეაჯამეს, რომ ზოგჯერ გარკვეული გატაცება ადამიანის მთელ დროს მოიცავს და სხვა ინტერესებზე უარს ათქმევინებს. ასეთ შემთხვევაში გატაცება პრობლემად იქცევა ხოლმე.